08/05/2019

Futbolçularımız radikalizmə yox deyirlər


“Sumqayıt” Futbol Klubunun üzvləri 7 may 2019-cu il tarixində İqtisadi və Sosial İnkişaf Mərkəzi (CESD) və PH International təşkilatının dəstəyi ilə reallaşan “Yerli İcmaların İmkanlarının artırılması Təşəbbüsləri” layihəsi çərçivəsində “Radikalizmə Yox”, “Bura Sənindir” şuarları əsasında təşkil edilmiş layihənin iştirakçısı olub. Komandanın məşqindən əvvəl baş tutan tədbirdə əsas məqsəd radikalizmə və radikal qruplara qoşulmağa yox demək, eləcə də multikulturalizm ideyalarını dəstəkləməkdən ibarət olub. CESD-nin sədri Vüqar Bayramov futbolçulara və tədbirə qatılan gənclərə radikalizm və multikulturalizm haqqında məlumat verdikdən sonra, tədbir iştirakçıları arasında fikir mübadiləsi aparılıb.