05/09/2018

"Sumqayıt" FK "Qarabağ"la oyunun hazırlıqlarını davam etdirir


"Sabah"la yoxlama görüşündən sonra 1 günlük istirahətə buraxılan "Sumqayıt" FK 4-cü turda "Qarabağ"la keçiriləcək qarşılaşma üçün hazırlıqlarını davam etdirir. Komandamız Nazim Süleymanovun rəhbərliyi ilə Mehdi Hüseynzadə adına Sumqayıt Şəhər stadionunda bu gün saat 17:00-da növbəti məşqini keçirib. Milli komandalarda olan Bəxtiyar Həsənalızadə, Yusif Nəbiyev və Ülvi İsgəndərov məşqdə iştirak etməyib. Bundan başqa Elvin Məmmədov və Vurğun Hüseynov zədəli olduqları üçün fərdi məşqlə kifayətləniblər. Zədəsini bərpa edən Rail Məlikov isə artıq komandaya qoşulub. Təxminən 1.5 saat davam edən hazırlıq prosesində müxtəlif toplu hərəkətlər və taktiki gedişlər üzərində çalışılıb. Məşqə ikitərəfli oyunla yekun vurulub. Qeyd edək ki, komandamızın növbəti məşqi sabah saat 11:00-da keçiriləcək.