19/07/2018

“Sumqayıt” FK “Əl-Şəhaniyə” ilə heç-heçə edib


Yeni mövsümün hazırlıqlarını Türkiyədə davam etdirən “Sumqayıt” FK qonşu ölkədə ilk yoxlama oyununu keçirib. Nazim Süleymanovun yetirmələri Qətər təmsilçisi “Əl-Şəhaniyə” ilə qarşılaşıb. Komandamız 11-ci dəqiqədə Nicat Qurbanovun qolu ilə hesabda önə keçsə də, rəqib 38-ci dəqiqədə hesabı bərabərləşdirməyə müvəffəq olub. Qarşılaşmada başqa qol qeydə alınmayıb və görüş 1:1 hesabı ilə yekunlaşıb.

“Sumqayıt” FK qarşılaşmaya bu 11-liklə başlayıb:
1. Mehdi Cənnətov, 2. Rail Məlikov, 3. Vurğun Hüseynov, 10. Aleksey İsayev, 14. Bəxtiyar Həsənalızadə, 17. Nicat Qurbanov, 18. Süleyman Əhmədov, 22. Əfran İsmayılov, 60. Elvin Məmmədov, 74. Yusif Nəbiyev, 99. Əli Babayev.

Meydana sonradan daxil olanlar:
36. Süleyman Süleymanov, 4. Şəhriyar Əliyev, 7. Cavid Tağıyev, 39. Tural Bayramlı, 41. Turan Manafov, 44. Qvanzav Maqomedov, 70. Ülvi İsgəndərov, 77. Murad Xaçayev, 97. Xəyal Nəcəfov.