25/12/2017

"Sumqayıt" FK Nicat Qurbanovu heyətinə qatdı


Dövrələrarası fasilə zamanı "Sumqayıt" FK Elnur Abdullayevdən sonra növbəti transferini reallaşdırıb. Komandamız son olaraq, "Zirə"də çıxış etmiş Nicat Qurbanovu heyətinə qatıb. 1992-ci il təvəllüdlü futbolçu "Sumqayıt" FK ilə 1,5 illik müqavilə imzalayıb. Nicat yeni klubunda 17 nömrəli forma ilə çıxış edəcək.

Qeyd edək ki, Nicat karyerası ərzində "Zirə"dən başqa, "Simurq", "Neftçi", AZAL və "Kəpəz"in şərəfini qoruyub.