23/07/2016

Əvəzedicilərimiz "İnter" və "Zirə" ilə qarşılaşacaq


"Sumqayıt" Futbol Klubunun əvəzediciləri 2016/2017 futbol mövsümü üçün Zaqatala toplanışını başa vurub. Baş məşqçi Rövşən Babayev komandaya 3 günlük istirahət verib. İyulun 25-dən etibarən komanda Sumqayıtda yenidən hazırlığa start verəcək. Əvəzedicilərimiz ilk tura qədər 3 yoxlama oyunu keçirməyi planlaşdırır. Artıq rəqiblər də müəyyənləşib. "Sumqayıt" FK iyulun 26-da saat 18:00-da "İnter"in əvəzediciləri ilə "İnter Arena"da üz-üzə gələcək. Komandamız 2 gün sonra isə iyulun 28-də doğma meydanda "Zirə"nin əvəzedicilərini qəbul edəcək. Üçüncü rəqib isə hələlik məlum deyil.