20/01/2015

20 yanvar şəhidlərimiz anılıb


Azərbaycan xalqı bu gün qanlı yanvar faciəsinin 25-ci ildönümünü qeyd edir. 1990-cı il yanvarın 19-dan 20-nə keçən gecə böyük itkilərlə, günahsız insanların qətli ilə nəticələnən 20 Yanvar faciəsi cinayətkar imperiya rəhbərliyinin Azərbaycana qarşı xəyanətkar siyasətinə dözməyən, öz azadlığına, müstəqilliyinə can atan xalqımızın mübarizliyini, əyilməzliyini, məğrurluğunu bir daha nümayiş etdirdi. Nəticədə yüzlərlə həmvətənlərimiz şəhid olmuşdular. Faciədən artıq 25 il keçir və xalqımız hər il olduğu kimi bu il də şəhidlərimizi dərin ehtiramla yad edir.

“Sumqayıt” Futbol Klubu Azərbaycan xalqının kədərinə şərik çıxır, Vətənimizin azadlığı uğrunda canlarınından keçən insanların yaxınlarına səbr diləyir.

Bu məqsədlə, "Sumqayıt" Futbol Klubunun rəhbərliyi, veteran futbolçular, məşqçi və akademiyanın futbolçu heyəti Sumqayıt şəhərində yerləşən Şəhidlər Xiyabanını ziyarət edərək 20 yanvar şəhidlərini anıb.

ALLAH ŞƏHİDLƏRİMİZƏ RƏHMƏT ELƏSİN!