23/06/2014

"Sumqayıt" FK 2014/2015 mövsümünün hazırlığına start verdi


"Sumqayıt" Futbol Klubu Premyer Liqanın 2014/2015 mövsümü üçün hazırlığına start verib. Bu gün komandamız Aqil Məmmədovun rəhbərliyi altında Sumqayıtda ilk məşqinə çıxıb. Komandanın yeni transferləri hazırlıq prosesində iştirak edib. Yalnız yüngül zədəsi olan Elvin Həsənəliyev fərdi məşqlərlə kifayətlənib. Məşqin gedişində baxışda olan futbolçular iki tərəfli oyunla yoxlanışdan keçiblər. "Sumqayıt" FK növbəti məşqinə sabah saat 10:30-da çıxacaq.